காணொளிக்காட்சி கூட்டம்- பள்ளி மேலாண்மைக் குழு மறுகட்டமைப்பு

 

சேலம் மாவட்டத்தில் 50% தொடக்கப் பள்ளிகளில் பள்ளி மேலாண்மைக் குழு மறுகட்டமைப்பு 30.04.2022 சனிக்கிழமை அன்று நடைபெறவுள்ளது.

*முதன்மைக் கல்வி அலுவலர் அவர்கள் தலைமையில் மேற்காண் பொருள் சார்பான காணொளிக்காட்சி கூட்டம் இன்று (27.04.2022) பிற்பகல் 03.30 மணிக்கு* நடைபெற்றது

*அனைத்து வட்டாரக் கல்வி அலுவலர்கள், வட்டார வள மைய மேற்பார்வையாளர்கள்(பொ), ஆசிரியர் பயிற்றுநர்கள் மற்றும் பள்ளி மேலாண்மைக் குழு மறுகட்டமைப்பு நடைபெறவுள்ள தொடக்கப் பள்ளிகளைச் சார்ந்த தலைமையாசிரியர்கள்* ஆகியோர் *சார்ந்த வட்டார வள மையத்திலிருந்து(BRC) மேற்கண்ட காணொளி காட்சி கூட்டத்தில் கலந்து கொண்டனர்

கணித மேதை ராமானுஜன் நினைவு தினம்.*

 *ஏப்ரல் 26*

*கணிதத்தின் துருவ நட்சத்திரம், கணித மேதை ராமானுஜன் நினைவு தினம்.* 

கணிதத்தின் துருவ நட்சத்திரங்கள் மிக அரிதானவர்கள் .அப்படி ஒருவர் ஸ்ரீனிவாச ராமானுஜன் .அப்பா ஒரு துணிக்கடையில் கணக்கர் ;மிக இளம் வயதிலேயே தவறி இருந்தார் .ஈரோட்டில் பிறந்தாலும் கும்பகோணத்தில் தான் பள்ளிகல்வி .பல நேரங்களில் பிள்ளையை அம்மா கோமளவல்லியால் கண்டுபிடிக்க முடியாது ,கோயிலில் சாக்பீஸ் கொண்டு வரைந்து கணக்கு போட்டுவிட்டு அதற்கான விடைகளை கனவில் தேடிய அற்புதம் அவர் .பூஜ்யத்துக்கு மதிப்பு இல்லை என ஆசிரியர் வகுப்பில் சொன்ன பொழுது ;பூஜ்யத்தை ஒரு எண்ணுக்கு பின்னாடி போட்டால் மதிப்பு வருகிறதே என கேட்ட பொழுது அவருக்கு வயது பத்துக்குள்

அவருக்கு கணிதத்தின் மீது ஈடிலா ஆர்வம் வருவதற்கு ஒரு எளிய சம்பவம் காரணம் .,அவரின் நண்பன் சாரங்கபாணி நாற்பத்தி ஐந்துக்கு நாற்பத்தி மூன்று வாங்கியிருந்தார் .இவர் ஒரு மதிப்பெண் குறைவாக வாங்கி இருந்தார் ,அதனால் அவருடன் பேசுவதை நிறுத்திக்கொண்டு கணிதத்தில் கல்லூரி மாணவர்கள் படிக்கும் புத்தகத்தை படிக்க ஆரம்பித்தார் .லோனியின் மட்ட திரிகோணவியல் ஒரு நூல் ;இன்னொன்று காரின் சினாப்சிஸ் .இந்த நூலின் சிக்கல் இது கல்லூரி மாணவர்கள் மனப்பாடம் செய்து கொள்ள வேண்டிய அல்லது ஞாபகத்தில் வைத்துக்கொள்ள வேண்டிய சூத்திரங்கள்,தேற்றங்களை குறிப்பிட்டு இருக்கும் .எப்படி வந்தது என விளக்கம் இருக்காது . அதைப்படித்து தான் ராமானுஜன் தன் கணித தாகத்தை தணித்துக்கொண்டார் .அவரே அது எப்படி வந்தது என கண்டறிந்தார் .பேப்பர் வாங்க காசில்லாததால் ஸ்லேட்டில் கணக்குகளை போட்டு பார்த்து விட்டு முடிவுகளை மட்டும் நோட் புக்கில் எழுதினார் .குமபகோணம் அரசு கல்லூரியில் மூன்று முறை முயன்றும் ஆங்கிலத்தில் தேற முடியாமல் பட்டம் வாங்க முடியாமல்,பச்சையப்பா கல்லூரி போனார் .

அங்கே சிங்கார முதலியாரின் அறிமுகம் கிடைத்தது .இவரின் சூத்திரங்கள் அவரை கவர்ந்தன .எண்ணற்ற நூல்களை படித்தார் .சென்னை துறைமுகத்தில் எழுத்தராக சேர்ந்தார் ;இந்தியாவில் வந்த கணித இதழில் எண்ணற்ற கணக்குகளை வெளியிட்டு கொண்டிருந்த இந்திய கணிதக் குழுவை நிர்மாணித்த வி. ராமசுவாமி ஐயர் கண்ணில் இவரின் கணக்குகள் பட்டன ;கூடவே கிண்டி பொறியியல் கல்லூரியில் பயின்ற துறைமுக தலைவர் ஸர் பிரான்ஸிஸ் ஸ்பிரிங் கண்ணில் பட்டது .அவர் கிண்டி பொறியியல் கல்லூரி பேராசிரியர்களிடம் அறிமுகம் தந்தார் ,அவர்கள் இவரை கேம்ப்ரிட்ஜ் பல்கலைக்கு கடிதம் எழுத சொன்னார்கள் .

எண்ணற்ற நபர்களுக்கு இவரின் சூத்திரங்கள் போய் சென்றன.பலர் குப்பையில் போட்டார்கள் பயின்ற காட்பிரே ஹரால்ட் ர்டிக்கு கடிதம் போனது .அதில் இருந்த வரிகள் இவை “எனக்குத் தேவை என்பதெல்லாம் ஒரே ஒரு வேளை உணவுதான். எனக்கு அதுவும் கிடைப்பது மிகஅரிதாக இருக்கிறது. ஆகவே, தாங்கள் எனது கணித முயற்சிகளைப் பிறர் அறிய எழுதினால் நல்லது. ஏனெனில், என் நிலைமையை அறிந்து பல்கலைக்கழகமோ அல்லது அரசோ ஏதேனும் உதவிசெய்ய முன்வரக் கூடும். இதனால் எனது வறுமை சற்று நீங்குவதுடன், கணித ஆராய்ச்சிகளைத் தொடர்ந்து செய்ய உற்சாகம் ஏற்படும்”

ஜனவரி பதினாறு அன்று 1913 இல் அக்கடிதம் ஹார்டியின் கைக்கு போனது; எதோ கிறுக்கல் என நினைத்து முதலில் எடுத்து வைத்த ஹார்டி இரவு படிக்கும் பொழுது மெய்சிலிர்த்து போனார்; இரவெல்லாம் தூக்கத்தை தொலைத்து ஒரு இணையற்ற கணித மேதையை கண்டுவிட்டதற்கு பூரித்தார். உடனே ராமானுஜத்தை கேம்பிரிட்ஜ் வரும்படிக் கடிதம் எழுதி அழைப்பு விடுத்தார்.

அங்கே ஓயாமல் பல்வேறு எண் கோட்பாடுகளில்,செறிவெண் சார்ந்தும் அவரின் ஆய்வுகள் பிரமிப்பானவை ;அவரின் தேற்றங்கள் கண்டுபிடிப்புகள் பள்ளி பாடப்புத்தகங்களில் இடம் பெறும் அளவுக்கு எளிமையானவை இல்லை .அவரின் பல கணித தேற்றங்கள் இன்றைக்கு [Computer Algorithmsல் பயன்பட்டு சிக்கலான கணிதச் சிக்கல்களைத் தீர்க்கப் பயன்படுகின்றன..

எண்கோட்பாடுகளிலும் (number theory), செறிவெண் (complex number) கோட்பாடுகளிலும் இவர் கண்டுபிடித்துக் கூறியவை இன்று அடிப்படை இயற்பியற் துறை முதல் மின்தொடர்புப் பொறியியல் துறை வரை பல துறைகளில் உயர்மட்டங்களில் பயன்படுத்தபபட்டு வருகின்றன.

அத்தோடு அவரின் எல்லையற்ற திறமையை கண்டு வியந்து அவருக்கு இன்றைய முனைவர் பட்டத்துக்கு இணையான பட்டத்தை ட்ரினிட்டி கல்லூரி வழங்கியது .ராயல் சொஸைட்டியில் அவரை பெல்லோவாக சேர்த்துக்கொண்டார்கள் . ராமானுஜத்தை தொடர்ந்து கொண்டாடிய ஹார்டியின் வரிகளில் “எனக்கு 25 மதிப்பெண்ணும், தலைசிறந்த ஜெர்மன் கணித வல்லுநர் டேவிட் ஹில்பெர்ட்டுக்கு 80 மதிப்பெண்ணும், சந்தேகமே இல்லாமல் ராமானுஜனுக்கு 100 மதிப்பெண்ணும் வழங்குவேன் “என்றார்.

ஒன்றிய நடுநிலைப்பள்ளி டேனிஸ்பேட்டை - பள்ளி மேலாண்மைக்குழு மறுசீரமைப்பு நிகழ்ச்சி

       

       இன்று (23.04.2022 )சேலம் மாவட்டம்,  காடையாம்பட்டி ஒன்றியம், டேனிஸ்பேட்டை ஊராட்சி ஒன்றிய நடுநிலைப்பள்ளியில் பள்ளி மேலாண்மை கழு மறுசீரமைப்பு நிகழ்ச்சியானது சீரும் சிறப்புமாக நடைபெற்றது.

      முன்னதாக பள்ளி மேலாண்மை குழு சீரமைப்பு நிகழ்விற்காக பள்ளியின் தலைமை ஆசிரியர் மற்றும் ஆசிரியர்கள் மிக சிறப்பான ஒரு ஏற்பாட்டை அமைத்திருந்தனர் பள்ளியின் மைதானத்தில் சாமினோ பந்தல் அமைக்கப்பட்டு பங்கேற்பாளர்கள் அமர்வதற்கான இட வசதி ,குடிநீர் வசதி மற்றும் கொரானா முன்னெச்சரிக்கை நடவடிக்கைகள் மற்றும் வழிகாட்டுதல்கள் சிறப்பான முறையில் ஏற்பாடு செய்யப்பட்டிருந்தது.

      பின்னர் பள்ளியின் தலைமையாசிரியர் அம்மா அவர்கள் பள்ளியின் பெற்றோர் உறுப்பினர்கள் உள்ளாட்சி மன்ற பிரதிநிதிகள் கல்வியாளர் சுய உதவி குழு உறுப்பினர் ஆகியோரை பள்ளியின் சார்பாக SMC மறுசீரமைப்பு நிகழ்விற்கு இனிதே வரவேற்றார்கள்.

         அடுத்ததாக பள்ளியின் அறிவியல் பட்டதாரி ஆசிரியர் திருநாவுக்கரசு அவர்கள் பள்ளி மேலாண்மை குழு மறுசீரமைப்பு உறுப்பினர்கள் தேர்வு குறித்தும் மதிப்பிற்குரிய மாநில திட்ட இயக்குனர் அவர்களின் செயல்முறைகள் மற்றும் வழிகாட்டுதல் குறித்தும் விரிவாக எடுத்துரைத்தார்கள்.

     பின்னர் கால அட்டவணையின் படி உறுப்பினர்கள் தேர்வு செய்யப்பட்டனர் .அவர்களுக்கு தேர்வு சான்றிதழ் பெற்றுக் கொண்டு  பள்ளி மேலாண்மைக் குழு உறுதிமொழியை ஏற்றுக்கொண்டனர்.

      உறுப்பினர்கள் அனைவருக்கும் குழு புகைப்படம் எடுத்துக்கொண்டு மறுசீரமைப்பு நிகழ்வானது இனிதே நிறைவடைந்தது.

ஊராட்சி ஒன்றிய நடுநிலைப்பள்ளி கே.என் புதூர் - பள்ளி மேலாண்மைக் குழு மறுசீரமைப்பு (SMC RECONSTITUTION )

இன்று சேலம் மாவட்டம் காடையாம்பட்டி ஒன்றியம் , கே.என். புதூர் ஊராட்சி ஒன்றிய நடுநிலைப் பள்ளியில் பள்ளி மேலாண்மை குழு மறுசீரமைப்பு நிகழ்ச்சியானது மிக சிறப்பாக நடைபெற்றது.

நிகழ்வின் தொடக்கத்தில் பள்ளியின் தலைமையாசிரியர் அனைத்து பெற்றோர் உறுப்பினர்களையும் உள்ளாட்சி மன்ற பிரதிநிதிகள் மற்றும் கல்வியாளர் சுய உதவிக் குழு உறுப்பினர்களை பள்ளியின் சார்பாக இனிதே வரவேற்றார்

பின்னர் பள்ளியின் கணித பட்டதாரி ஆசிரியர் தண்டபாணி அவர்கள் பள்ளி மேலாண்மை குழு உறுப்பினர்கள் தேர்வு  நடைமுறைகள் குறித்து விளக்கிக் கூறினார்கள்.

பின்னர் மறுசீரமைப்பு நிகழ்வானது வழங்கப்பட்ட கால அட்டவணையின் படி முறையாகவும் மதிப்பிற்குரிய மாநில திட்ட அலுவலர் ஐயா அவர்களின் வழிகாட்டுதலின் படியும் 20 உறுப்பினர்களும் முறையாக தேர்வு செய்யப்பட்டு அவர்களுக்கு சான்றிதழ் வழங்கப்பட்டு ,தங்கள் பதவியை பள்ளி மேலாண்மைக்குழு உறுதிமொழியுடன் முறையாக ஏற்றுக்கொண்டனர். மேலும் பள்ளி மேலாண்மைக்குழு உறுப்பினர்கள் உறுப்பினர்களுக்கு அவர்களின் பொறுப்புகளும் கடமைகளும் குறித்து எடுத்துரைக்கப்பட்டது . குழு புகைப்படம் எடுத்துக்கொள்ளப்பட்டது.

மேலும் இந்த நிகழ்வை வீராட்சியூர் ஊராட்சி ஒன்றிய நடுநிலைப்பள்ளியின் கணிதப் பட்டதாரி ஆசிரியர் மற்றும் SMC கருத்தாளர் ஆகிய இளவரசன் ஐயா அவர்கள் சிறப்பு பங்கேற்பாளராகவும் கவன ஈர்ப்பு பார்வையாளராக கலந்து கொண்டு ஆசிரியர்களுக்கும் பள்ளி மேலாண்மை குழு உறுப்பினர்களுக்கும் சீரிய முறையில் வழிகாட்டி உதவினார். இந்த நிகழ்வில் அனைத்து பெற்றோர்களும் ஆசிரியர்களும் மற்றும் அனைவரும் ஆர்வமுடன் முழு ஈடுபாட்டுடனும் பங்கேற்றனர் என்பதை தெரிவித்துக் கொள்கிறோம்.

 

TEN BENEFITS OF TEACHING POETRY (list created by Sarah Landis)

கவிதை கற்பிப்பதன் 10 நன்மைகள்

கவிதை பெரும்பாலும் ஆசிரியரின் குரலை ஒளிரச் செய்கிறது, இதனால் உள் வெளிப்பாட்டின் மீது ஒளி வீசுகிறது!

1. கவிதைகள் உரைகளை ஆழமாக/நெருங்கிய வாசிப்பை ஊக்குவிக்கிறது, மேலும் அனுமானம் மற்றும் விளக்கம் போன்ற சிந்தனை திறன்களை வளர்க்க உதவும்.மேலும் அறிய

2. கவிதையானது கதை சொல்லும் கூறுகளை வேறு வகையின் மூலம் கற்பிக்கிறது.

3. கவிதையைச் சுற்றி வார்த்தைகள் குறைவாகவும், அதிக 'வெள்ளை இடமும்' இருப்பதால், நீண்ட நூல்களுடன் போராடும் மாணவர்களை கற்றலில் நுழையுமாறு கவிதை அழைக்கிறது. மிகக் குறைவான மற்றும் பார்வைக்கு ஈர்க்கக்கூடியது! ஜேசன் ரெனால்ட்ஸ் எழுதிய ஒவ்வொருவருக்கும்

4. சுருக்கமான மொழியைக் கற்பிக்கும் கவிதை அருமை. மாணவர்கள் எப்போது நீண்ட நேரம் எழுத வேண்டும் மற்றும் எப்போது சிறியதாக எழுத வேண்டும் என்று பயிற்சி செய்கிறார்கள்.

5. இசை/வரலாறு போன்ற பிற துறைகளுடன் கவிதை இணைக்கிறது. 6. கவிதை ஒரு செயல்திறன் சார்ந்த வகையாக இருக்கலாம். (கவிதையை சிந்தியுங்கள்

வாசிப்பு மற்றும் கவிதை ஸ்லாம்கள்.)

7. குழந்தைகள் அர்த்தத்தைப் பற்றி பேசுவதற்கு கவிதை ஒரு சிறந்த வாய்ப்பை வழங்குகிறது. ('கோட்டை உயர்த்துவது', ஒரு தீம் விவாதம், மீன் கிண்ணம் மற்றும் பிற செயல்பாடுகளைப் பற்றி சிந்தியுங்கள்)

8. கவிதை ரைமை அறிமுகப்படுத்தலாம் -- நுழைவு புள்ளிகளில் ஒன்று

வெளிவரும் வாசகர்கள்.

9. கவிதை காலமற்றது! (ஷேக்ஸ்பியர் மற்றும் மாயா ஏஞ்சலோ போன்ற இறந்த கவிஞர்களுக்கும், அமண்டா கோர்மன் போன்ற வாழும் கவிஞர்களுக்கும் கற்பிக்கவும்)

சாரா லாண்டிஸ் உருவாக்கிய பட்டியல்

ஆறாம் வகுப்பு BASIC QUIZ- TOP 5 students in KADAYAMPATTI BLOCK

🌷 *ஆறாம் வகுப்பு BASIC QUIZ- ல் சிறப்பாக செயல்பட்ட மாணவர்கள் 1295 பேருக்கு பரிசுத்தொகை வழங்கி மாநில திட்ட இயக்குநர் உத்தரவு . (இணைப்பு மாணவர் பட்டியல்)*

இந்த இணைய வழி வினாடி வினாவில் ஒவ்வொரு மாவட்டத்திலிருந்தும் அதிக மதிப்பெண் பெற்றதன் அடிப்படையில் 35 மாணவர்கள் தேர்வு செய்யப்பட்டு அவர்களுக்கு தலா ஒரு ரூபாய் 2000 பரிசுப் பொருளாக வாங்கி வழங்குவதற்கு அந்தந்த பள்ளி  பள்ளி மேலாண்மை குழு வங்கி கணக்கிற்கு தொகையானது விடுவிக்கப்பட்டுள்ளது

மாணவர்களுக்கு வழங்கப்படும் ரூபாய் 2000 பரிசு தொகையை கொண்டு பரிசு பொருட்கள் வாங்கி வழங்குமாறும் எக்காரணத்தைக் கொண்டும் பணமாக வழங்கக்கூடாது என்றும் தெரிவிக்கப்பட்டுள்ளது.

மேற்படி தேர்வில் நமது காடையாம்பட்டி ஒன்றியத்தில் சிறப்பாக தேர்வெழுதி வெற்றி பெற்ற ஐந்து மாணவர்கள் விவரம் பின்வருமாறு

1.PUMS KANNAPADI

    SATHYA S VI STD

2.PUMS, VEERIYANTHANDA

    ARAVINTH S VI STD

3.PUMS, GURUVAREDDIYUR

 VETRIMARAN S VI STD 

4.GHSS,KANJANAICKENPATTI

   AJAY S VI STD

5.PUMS, VEERIYANTHANDA

ANUSHKA N VI STD 

10 மாணவர்களுக்கும் அவர்களுக்கு ஆர்வமூட்டிய தலைமை ஆசிரியர் மற்றும் ஆசிரிய பெருமக்களுக்கும் வட்டார வள மையத்தின் சார்பில் மனமார்ந்த நன்றிகளையும் பாராட்டுக்களையும் உரித்தாக்கிக் கொள்கிறோம்

மாநில திட்ட இயக்குநர் செயல்முறைகள் 

https://drive.google.com/file/d/1EZTSWR9PoAwXrFGVhVgW4tEAZ03wRJPZ/view?usp=drivesdk

வெற்றி பெற்ற மாணவர்கள் பட்டியல் 

https://drive.google.com/file/d/1E_aVKp3y1rRzrjb-mS6Td9uW8KLKKFmU/view?usp=drivesdk

வாரம் ஒரு விஞ்ஞானி -67

நாளை காலை11 மணிக்கு.....

வணக்கம். நாளை காலை 11 மணிக்கு.....

இந்த நிகழ்ச்சியில் அவசியம் கலந்து கொண்டு சிறப்பிக்கவும்.

ஜூம் இணைப்பு

https://us02web.zoom.us/j/82974136134?pwd=K1FHZU11ZnRVc2RnVzlEU2RTdE56dz09

Meeting ID: 829 7413 6134

Passcode: 585736

https://us02web.zoom.us/j/82974136134?pwd=K1FHZU11ZnRVc2RnVzlEU2RTdE56dz09

Meeting ID: 829 7413 6134

Passcode: 585736

நன்றி

அறிவியல் பலகை

.

தமிழ்நாடு அறிவியல் இயக்கம் மார்ச் – 29 - 2007 – கணிதத்தில் நோபல் பரிசு

*தமிழ்நாடு அறிவியல் இயக்கம்*

*மார்ச் – 29 - 2007 – கணிதத்தில் நோபல் பரிசு எனப்படும் நோர்வே நாட்டின் ஏபல் பரிசு தமிழரான சீனிவாச வரதனுக்கு அறிவிக்கப்பட்ட தினம்*

                                                                                                                                                                                                   *ஏபெல் பரிசு (Abel Prize) என்பது நார்வே மன்னரால் ஆண்டுதோறும் உலகளாவிய கணிப்பில் சிறந்த கணிதவியலாளருக்கு வழங்கப்பட்டு வரும் ஒரு சிறப்பு விருதாகும்*. 2003ம் ஆண்டிலிருந்து நார்வே நாட்டின் 19வது நூற்றாண்டின் சிறந்த கணித இயலராகவும் உலகக்கணித மேதைகளில் ஒருவராகவும் திகழ்ந்த *நீல்ஸ் ஹென்றிக் ஏபெல்* என்பவரின் நினைவாக நார்வே அரசினரால் இவ்விருது வழங்கப்பட்டு வருகிறது.

                                                                                                                                                                                    நார்வே நாட்டின் அறிவியல் கழகம் இந்த விருதைப் பெறும் சிறந்த கணிதவியலரைத் தெரிவுசெய்கிறது. இவ்விருது ஏறத்தாழ *நோபல் பரிசின் பெறுமதியை ஒத்தது. ஏபல் பரிசின் தற்போதைய மதிப்பு $875,000 அமெரிக்க டாலர்கள்8*.

*சாத்தமங்கலம் ரங்க ஸ்ரீனிவாச வரதன்*  

                                                                                                                                                                                    (பிறப்பு: சனவரி 2, 1940) கணிதத்திலும் புள்ளியியலிலும் நிகழ்தகவுக் கோட்பாட்டில் தற்காலத்தில் சிறப்பு பெற்று மதிப்பு மிக்க ஏபெல் பரிசை, 2007ம் ஆண்டுக்காகப் பெற்ற, கணித இயலர். 2008 ஆம் ஆண்டில் பத்ம பூசன் விருதினையும் பெற்றார். அமெரிக்காவின் உச்ச உயர்வுப் பதக்கமான தேசிய அறிவியல் பதக்கத்தை 2010 ஆம் ஆண்டு பராக்கு ஒபாமா இவருக்கு அளித்தார். 2013 ஆண்டுக்கான இன்ஃபோசிசு பரிசையும் வென்றார். நியூ யார்க்கிலுள்ள கொராண்ட் கணிதவியல் கழகத்தில் ஃப்ராங்க் ஜே கௌல்ட் கணிதவியற் பேராசிரியராக இருக்கிறார்.

                                                                                                                                                                                    வரதன், இந்தியாவில் சென்னையில் பிறந்தவர். சென்னையில் இருந்து 30 கி.மீ தொலைவில் உள்ள பொன்னேரி போர்டு உயர்நிலைப் பள்ளியில் பயின்றார். இவருடைய தந்தையார் அரங்கன் அதே பள்ளியில் தலைமை ஆசிரியராக இருந்தார். 1959இல் சென்னைப் பல்கலைக்கழகத்தில் சிறப்பு (ஆனர்சு) பட்டம் பெற்று அடுத்த ஆண்டு முதுகலை (M.A.) பட்டமும் பெற்றார். பின்னர் கொல்கத்தா இந்தியப் புள்ளியியல் கழகத்தில், புகழ் பெற்ற புள்ளியியலர் சி. ஆர். ராவின் தலைமையின் கீழ் ஆய்வு செய்து 1963இல் முனைவர் பட்டம் பெற்றார். முதுமுனைவர்ப் பேராளராக (Postdoctoral Fellow), கூராண்ட்டு கணிதவியல் கழகத்தில் 1963 இலிருந்து 1966 வரையில் பணியாற்றினார். 1966இல் அங்கேயே துணைப் பேராசிரியரானார். 1968இல் இணைப்பேராசிரியரானார். 1972இல் பேராசிரியராக பணி உயர்வுபெற்று, 1980இலிருந்து 1984 வரையும் மறுபடியும் 1992 இலிருந்து 1994 வரையிலும் அக்கழகத்திற்கு இயக்குனராகப் பணியாற்றும் பேறும் பெற்றார்.

                                                                                                                                                                                  இவரது மனைவி வசுந்தரா வரதன் நியூயார்க் பல்கலைக்கழகத்தில் பேராசிரியராக இருக்கிறார். இத்தம்பதியினருக்கு அசோக் என்ற ஒரு மகன். இவருக்கு மூத்தவர், கோபால், நியூயார்க் உலக வணிக மையத்தில் இடம்பெற்ற 9/11 தீவிரவாதத் தாக்குதலில் உயிரிழந்தவர்களில் ஒருவர்.

                                                                                                                                                                             *பேராசிரியர் வரதனுக்கு அளிக்கப்பட்ட பரிசுகளிலும் கௌரவங்களிலும் சில பின்வருமாறு*:

• வருகைப் பேராளர், இசுட்டான்போர்டு பல்கலைக்கழகம் (1976-77)

• வருகையாளர் பதவி, மிட்டாகு-இலெஃப்ளர் கழகம் ( Mittag-Leffler Institute) (1972)

• வருகையாளர் பதவி, முன்னிலை ஆய்வுக்கான கழகம் (Institute for Advanced Study), பிரின்சிட்டன் (1991-92)

• ஆல்ஃபிரடு பி. சுலோன் பேராளர் (1970-72)

• கூகன்ஃகைம் பேராளர் (1984-85)

• அமெரிக்க கணிதக்கழகத்தின் பிர்க்காஃப் பரிசு (1994)

• மார்கரரெட்டு-எர்மன் சோக்கோல் விருது, நியூயார்க்குப் பல்கலைக்கழக கலை மற்றும் அறிவியல் துறை (1995)

• மேரி கியூரீ பல்கலைக்கழகம், பாரிஸ், இன் பெருமைப்பட்டம் (2003)

• கொல்கத்தா இந்தியன் புள்ளியியல் கழகத்தின் பெருமைப்பட்டம் (2004)

• அமெரிக்கத் தேசிய அறிவியல் பதக்கம், 2010

• இன்ஃபோசிசுப் பரிசு, 2013

Completion Of Rocket Science - Session

*"Be a Change"* 

Greetings Everyone!!

*ஒருமைக்கண் தான்கற்ற கல்வி ஒருவற்கு எழுமையும் ஏமாப் புடைத்து"* 

*Learning is not the product of teaching. It is the product of activity for learners*

Agatiam joins hand with Ursago Solutions and Institutional Partners to invite all budding young scientists to the Felicitation session of Rocket Science Level 1 for Students in *Offline mode on 2nd April 2022 @09:00 AM* At *Vivekanda Auditorium,College of Engineering,Anna University,Chennai*

*Inaugrated on 26 Janaury 2022 ,14 remarkable Rocket science session was taught by Padmabhusan Dr

A Sivathanu Pillai with 485 Students of 67 Govt schools from 29 Districts in Tamil nadu.

 Eminent Scientist *PadmaShri & Padma Bhushan Dr.A.Sivathanu Pillai* -Former Chief Controller, R&D, DRDO will deliver Final session for Level 1.

*Thiru K. Nanthakumar IAS*, Commissioner- School Education and *Prof.R. Velraj,* VC- Anna University will be delivering their keynote address. 

Kindly join us through our YouTube channel to appreciate and encourage the budding scientist😊💐

Join our YouTube channel by subscribe it

https://youtu.be/UwJ7FfLZyRg

Ungal Anbundan

Er.Gokul & 

Dr Balamurugan

தமிழ்நாடு அறிவியல் இயக்கம் ஏப்ரல் – 2 - சர்வதேச குழந்தைகள் புத்தக நாள் (International Children's Book Day)

*தமிழ்நாடு அறிவியல் இயக்கம்*

*ஏப்ரல் – 2 - சர்வதேச குழந்தைகள் புத்தக நாள்*

*International Children's Book Day*

                                                                                                                                                                              பன்னாட்டுக் குழந்தைகள் புத்தக நாள் (International Children’s Book Day - ICBD) 1967 ஆம் ஆண்டு முதல் ஒவ்வோராண்டும் ஏப்ரல் 2 ஆம் நாள் கொண்டாடப்படுகிறது. இந்நாளாது *ஆன்சு கிறித்தியன் ஆன்டர்சன் (1805-1875) என்னும் குழந்தை இலக்கிய எழுத்தாளரின் பிறந்த நாள் ஆகும். "இளம் மக்களுக்கான புத்தகங்களின் பன்னாட்டு வாரியம்" *(International Board on Books for Young People - IBBY) என்னும் பன்னாட்டு ஆதாய நோக்கற்ற அமைப்பு (International Non–Profit Organization) இந்நாளைக் கொண்டாடும்* முன்முயற்சிகளை மேற்கொண்டு வருகிறது.

பன்னாட்டுக் குழந்தைகள் புத்தக நாளானது பின்வரும் *இரண்டு நோக்கங்களை நிறைவேற்றுவதற்காகக் கொண்டாடப்படுகிறது.* 

                                                                                                                                                                                                 *• புத்தகம் படிக்கும் விருப்பத்தை ஊக்குவித்தல்*

                                                      *• குழந்தைகளுக்கான புத்தகங்களின் மீது கவனத்தை ஈர்த்தல்*

                                                                                                                                                                                                              பன்னாட்டுக் குழந்தைகள் புத்தக நாளைக் கொண்டாடும் முன்முயற்சியை மேற்கொள்ளும் வாய்ப்பு, ஒவ்வோராண்டும் இளம் மக்களுக்கான புத்தகங்களின் பன்னாட்டு வாரியத்தின் வெவ்வேறு நாட்டுப் பிரிவிற்கு வழங்கப்படும். அந்நாடு அவ்வாண்டிற்கான கொண்டாட்டக்கருத்தை முடிவு செய்து, தன்நாட்டின் சிறந்த எழுத்தாளரை அழைத்து உலகக் குழந்தைகளுக்கு அவ்வாண்டிற்கான செய்தியை எழுதவும் நன்கறியப்பட்ட ஓவியரை அழைத்து அவ்வாண்டிற்கான சுவரொட்டியை வடிவமைக்கவும் செய்யும். அந்த செய்தியும் சுவரொட்டியும் பல்வேறு வகைகளில் பயன்படுத்தப்பட்டு புத்தகங்கள், படித்தல் ஆகியவற்றின் மீதான ஆர்வம் வளர்த்தெடுக்கப்படும். 

                                                                                                                                                                               பன்னாட்டு குழந்தைகள் புத்தக நாளைக் கொண்டாட இளம் மக்களுக்கான புத்தகங்களின் பன்னாட்டு வாரியத்தின் வெவ்வேறு பிரிவுகள் பின்வரும் நடவடிக்கைகளை மேற்கொள்கின்றன.

                                                      • மக்கள்திரள் ஊடகங்களின் வழியாக விழிப்புணர்வு ஏற்படுத்தப்படுகிறது.

                                                      • பள்ளிகள், பொதுநூலகங்கள் ஆகியவற்றில் நிகழ்ச்சிகளை நடத்தப்படுகின்றன.

                                                     • குழந்தைகளின் புத்தகங்களைக் கொண்டாடும் நிகழ்ச்சிகள நடத்தப்படுகின்றன.

                                                      • எழுத்தாளர்கள், ஓவியர்கள் ஆகியோருடன் கலந்துரையாடல், இலக்கியப் படைப்புப் போட்டி, புத்தகங்களுக்கு விருது வழங்குதல் உள்ளிட்ட பல்வேறு சிறப்பு நிகழ்ச்சிகள் நடத்தப்படுகின்றன.

     *தமிழில் குழந்தைகளுக்காக இதுவரை வெளியான புத்தகங்களில் குழந்தைகள் அவசியம் படிக்க வேண்டிய புத்தகங்களைப் பார்ப்போம்.*

1. அந்தோணியின் ஆட்டுக்குட்டி - கமலவேலன்

2. ரயிலின் கதை-பெ.நா.அப்புஸ்வாமி

3. சிறுவர் கலைக்களஞ்சியம் – பெ.தூரன்

4. எங்கிருந்தோ வந்தான் – கோ.மா. கோதண்டம்

5. நல்ல நண்பர்கள் – அழ.வள்ளியப்பா

6. நெருப்புக்கோட்டை- வாண்டுமாமா

7. வாசித்தாலும் வாசித்தாலும் தீராது – பேரா.எஸ்.சிவதாஸ்

8. ஆயிஷா – இரா.நடராசன்

9. குட்டி இளவரசன் – அந்துவான் எக்சுபரி – வெ.ஸ்ரீராம்

10. சிறுவர் நாடோடிக்கதைகள் – கி.ராஜநாராயணன்

11. பனி மனிதன் – ஜெயமோகன்

12. உலகின் மிகச்சிறிய தவளை – எஸ்.ராமகிருஷ்ணன்

13. வாத்துராஜா – விஷ்ணுபுரம் சரவணன்

14. ஆமைகளின் அற்புத உலகம் – யெஸ்.பாலபாரதி

15. மாகடிகாரம் – விழியன்

16. ஜிமாவின் கைபேசி – கோ.மா.கோ.இளங்கோ

17. யானைச்சவாரி – பாவண்ணன்

18. அற்புத உலகில் ஆலிஸ் – லூயி கரோல் – எஸ்.ராமகிருஷ்ணன்

19. விரால் மீனின் சாகசப்பயணம் – உதயசங்கர்

20. புத்தகத்தேவதையின் கதை –பேரா.எஸ்.சிவதாஸ் – யூமாவாசுகி

21. ஆடும் மயில் மற்றும் மலரும் உள்ளம், அழ.வள்ளியப்பா,

22. தரங்கம்பாடி தங்கப் புதையல், பெ. தூரன், 

23. சந்திரகிரிக் கோட்டை, ஆர்.வி.

24. கானகக் கன்னி, கல்வி கோபாலகிருஷ்ணன்

25. சிற்பியின் மகள், பூவண்ணன்.

26. தங்க மயில் தேவதை, முல்லை தங்கராசன்

27. மர்ம மாளிகையில் பலே பாலு, வாண்டுமாமா

28. கொடி காட்ட வந்தவன், ரேவதி

29. இருட்டு எனக்குப் பிடிக்கும் (அன்றாட வாழ்வில் அறிவியல்) ச. தமிழ்ச்செல்வன்

*மொழிபெயர்ப்புப் புத்தகங்கள்*

1. அப்பா சிறுவனாக இருந்தபோது, அலெக்சாந்தர் ரஸ்கின் (நா. முகமது செரீபு), புக்ஸ் ஃபார் சில்ரன், 

2. குட்டி இளவரசன், அந்த்வான் து செந்த் எக்சுபெரி, வெ.ஸ்ரீராம் - ச. மதனகல்யாணி, க்ரியா வெளியீடு, 

3. நீச்சல் பயிற்சி, ரஷ்யச் சிறார் எழுத்தாளர்கள் (தமிழில்: சு.ந. சொக்கலிங்கம்), என்.சி.பி.எச். வெளியீடு, 

4. ஆலிஸின் அற்புத உலகம், லூயி கரோல் (எஸ். ராமகிருஷ்ணன்), வம்சி வெளியீடு, 

5. வாசித்தாலும் வாசித்தாலும் தீராத புத்தகம், எஸ்.சிவதாஸ் (ப. ஜெயகிருஷ்ணன்), அறிவியல் வெளியீடு, 

6. சாரி பெஸ்ட் ஃபிரெண்ட், ஆங்கிலச் சிறார் எழுத்தாளர்களின் கதைகள் (தமிழில் குமரேசன்), புக்ஸ் ஃபார் சில்ரன், 

7. கானகத்துக் கீதங்கள், ஜித் ராய் (கு.ராஜாராம்), நேஷனல் புக் டிரஸ்ட் வெளியீடு, 

8. பெனி எனும் சிறுவன், கிகோ புளூஷி, (யூமா வாசுகி), புக்ஸ் ஃபார் சில்ரன், 

9. புத்தகப் பரிசுப் பெட்டி, 15 மலையாள ஓவியக் கதைப் புத்தகங்கள், தமிழில்: உதயசங்கர், புக்ஸ் ஃபார் சில்ரன்,

10. கனவினைப் பின்தொடர்ந்து, த.வெ.பத்மா (ஜெ. ஷாஜகான்), எதிர் வெளியீடு